今日行行下街見到呢間店有雞蛋仔賣，8卦之下就入去睇下有咩特別款既雞蛋仔，入到去睇下牆上既餐牌，真係有好多唔同款既雞蛋仔，仲有其他小食，朋友見到爆醬蜂蜜味雞蛋仔就即刻話想試呢款，$28一份雞蛋仔，價錢尚可接受，即叫即整，買完等左唔洗5分鐘已經整好，第一啖咬落口雞蛋仔好脆好香，我咬左一半已經發現有一粒爆珠係一入面，再慢慢咬爆佢，甜甜既蜜糖味慢慢滲出黎，好特別，感覺好似食左啲熱氣野而又有啲蜜糖滋潤番禁，一時一粒雞蛋仔入面會有兩粒爆珠，感覺仲特別，同朋友你一粒我一粒，好快一底雞蛋仔已經比我地清晒，下次有機會會試下其他款式。
以上食记乃用户个人意见 , 并不代表OpenRice之观点。
赞好
用餐日期
2018-06-20
等候时间
5 分钟 (堂食)
人均消费
$30 (下午茶)
