薩莉亞意式餐廳 (置富第一城)

自從上次難食左，都一段時間冇黎，今日又突然想食過口癮，貪佢唔使等位，用Apps 點了以下食物：

1. 4隻原味雞翼：香口好食，保持到肉質嫩滑。

2. 香焗白汁菠菜：白汁芝士醬夠多，燶燶地烘得幾香，可以飲汁咁濟。

3. 野菌雞肉多利亞：鐘意白汁撈飯，個汁反而少左，搞到有點乾。

4. 明太子海鮮意粉：魷魚好腥唔入味，頂唔順吐返出黎，蝦都係好乾，剩係個明太子汁撈意粉好食。

5. 香蒜辣汁野菌西蘭花：辣汁唔多，西蘭花野菌夠熱幾好食。

見到多左人手，服務又做返好點，希望...keep到啦。