影片
更多
2018-03-09
2805 浏览
這天跟太座加上朋友3個, 一行五人來到這麼近那麼遠嘅佐敦後街(炮台街)試一下相當多好評的男爵大排檔, 鋪面唔算大屬於中型食肆, 店內裝飾都相當多, 有以店名作嘅對聯一副, 還有些名人來過嘅合照,當然少不了各款菜式名及價錢, 而對入就是廚房, 廚房面積相對屬於大, 差不多同廳面1:1 ! 可能多柯打時這是有必要的,當天所見客人不算多, 有一枱年青人約11-12個, 我們5個, 另外有兩個客人似乎跟大廚相當熟絡的- 朋友?是夜柯打如下:椒鹽雞軟骨$98 炸得鬆脆外圍,軟骨部份也剛好咬口百花蒸魚肚6仵$99 百花丸大大粒有口感但底下件魚肚未浸夠身有點硬而非咬落斷開那種,薑葱蒸生蠔$128生蠔6隻無咩功夫嘅菜式, 或者呢個係至高景界-以簡破煩, 最配合的還有那個襯到不得了嘅淺綠色碟, 有時候你俾兩百幾食片魚生個碟似乞兒兜, 反而這裡制服似的這隻碟看得自然舒服, 但想叫的脆皮原隻豬手$198(賣晒), 客家炆腩肉又賣晒!富貴黃金蝦$109 開邊做的蝦炸得透身, 蝦殼都食埋, 攞出來時咸蛋黃沙還起泡, 刻意留下的大大舊咸蛋黃都食埋, 不過, 整體各個菜式嘅落味都相當克制, 尤其是咸味, 大排檔好少
試一下相當多好評的男爵大排檔, 鋪面唔算大屬於中型食肆, 店內裝飾都相當多, 有以店名作嘅對聯一副, 還有些名人來過嘅合照,當然少不了各款菜式名及價錢, 而對入就是廚房, 廚房面積相對屬於大, 差不多同廳面1:1 ! 可能多柯打時這是有必要的,當天所見客人不算多, 有一枱年青人約11-12個, 我們5個, 另外有兩個客人似乎跟大廚相當熟絡的- 朋友?
是夜柯打如下:
椒鹽雞軟骨$98 炸得鬆脆外圍,軟骨部份也剛好咬口
百花蒸魚肚6仵$99 百花丸大大粒有口感但底下件魚肚未浸夠身有點硬而非咬落斷開那種,
薑葱蒸生蠔$128生蠔6隻無咩功夫嘅菜式, 或者呢個係至高景界-以簡破煩, 最配合的還有那個襯到不得了嘅淺綠色碟, 有時候你俾兩百幾食片魚生個碟似乞兒兜, 反而這裡制服似的這隻碟看得自然舒服, 但想叫的脆皮原隻豬手$198(賣晒), 客家炆腩肉又賣晒!
富貴黃金蝦$109 開邊做的蝦炸得透身, 蝦殼都食埋, 攞出來時咸蛋黃沙還起泡, 刻意留下的大大舊咸蛋黃都食埋, 不過, 整體各個菜式嘅落味都相當克制, 尤其是咸味, 大排檔好少有咁樣嘅情況, 無法講是好是壞, 因為除咗旁邊那枱年青人之外這裡沒有什麼稱得上年青的人了, 除咗同我們落單嗰個之外!
梅菜蒸菜心$88 呢個菜本應好簡單材料得就"得"了, 但東當天食到嘅梅菜係無咩味, 咁即是一堆纖維而已, 同時個汁主要係蠔油做的, SORRY個蠔油陣味比較非一般囉, 無法認同!
蒜香一囗牛$108 牛肉本身OK,不過無乜牛的騷味, 就係一個走過油嘅牛肉粒, 送酒會幾香口,
口水雞半只$140 呢個同好多食客嘅評語一樣, 雞肉本身做得好滑, 胸肉都保持到嫩滑, 個汁看似多辣油但辣味好低, 即使食唔到辣嘅B君, 都一樣食到, 當然辣的味道會隨着你食的件数增加而感覺得到但那時你可能已經食咗6/7舊了,所以大可放開懷抱食雞雞,
豉油皇炒麵$88 全晚最失望的一個菜, 幼蛋麵被炸了, 好乾身但因為不是肉絲炒麵唔會有個肉絲玄獻汁淋面, 加上料頭只有銀芽, 好利錢但亦因為咁我們不回頭了,
整體每碟份量細, 明白現在所有末材料價格上升但在這種唔算方便嘅後街經營, 還有細碟頭吸引力更少, 有時多一件半件蝕不到肉但要留客好多時這些也是關鍵位, 當然好多師傅會講唔志在呢D客, ANYWAY,我們是沒有機會再來了
张贴
