Paisano's Pizzeria

营业中

休息中

有次接女友放工，佢话好攰连食饭嘅能量都冇（我都系刚收工而未食饭，好肚饿呢）途经呢间嘢，记得行过好多次见到个个揸住劲大块pizza，但系每一次自己都系食咗嘢…加上块pizza咁巨型，唔系好肚饿都好难食得晒嘅感觉。喺门口犹疑咗一刻（因为有2边counter，同埋冇idea叫边款好），一眼望落去见到个display有嘅款色唔算好多，只有大半块4 Cheese, 一块Margheritta，一整块Paisano's同大半块Godfather 剩低。鉴于女友系唔食橄榄嘅，所以买咗2块Godfather返屋企，承惠$80。等咗一阵等佢翻热，跟住店员就用一个纸碟装住一块pizza再各自放入自己嘅纸袋里面…因为实在太大块了，所以拎得有啲啲吃力。女友果块好靓仔，但系…自己果块就「西」埋咗一边，所以冇计，只可以对接食。啲料好够又配搭得好，番茄酱只味好浓而pizza底虽然拎到返屋企冇再翻热都仲有少少脆。加上个底系绝对冇pizza hut果啲咁高筋，所以食整块就啱啱好唔好太饱。我终于明白点解咁多女生都可以一人一块喇。