喺公司做完嘢已經攰到hihi又肚餓😜火速買啲外賣番屋企慢慢歎先！行過見到呢間日本嘢外賣店！見價錢咁合理即管試試😋😋
.
✨ 雜錦魚生丼 $55
賣相同味道都唔差！以呢個五十幾蚊嘅價位嚟講有八爪魚, 三文魚, 油甘魚, 中華沙律, 玉子絲, 三文魚籽😊真係算係咁！下次再買的話會試埋可以自選魚生嘅車仔魚生丼飯！
.
✨ 火炙魚生丼 $58
呢碗更好味😋以火微微炙燒過嘅三文魚, 油甘魚, 帶子, 醋鯖魚都有入口溶化之感！口感油潤魚脂！唔錯唔錯！
.
✨ 火炙三文魚壽司兩件 $8@
✨ 火炙醋鯖魚壽司兩件 $7@
✨ 火炙左口魚壽司 $8@
✨ 火炙油甘魚腩壽司 $13@
✨ 火炙鰻魚壽司兩件 $12@
因為唔想夜媽媽食太多生冷嘢😁所以全部壽司揀火炙系列！壽司飯軟硬度適中👍🏻加埋火炙過嘅油脂豐富魚生片！幾蚊件係幾抵食！
.
✨ 火炙鰻魚手卷 $18
到手時依然暖熱😚但紫菜仍然脆身😚如果嚿鰻魚可以大條番少少會更好食😛
.
✨ 香芋波波 $18
有三粒👌🏻每粒都外脆內軟糯且帶有香甜芋頭味！鍾意煙韌口感嘅Be好滿意！！
