70's 七十代工房 (已結業)

今日食野好趕，爭分奪秒，咁就叫外賣。11點前已經打定電話去叫10個人嘅外賣，叫佢12:40送到。等等等等等等到1點都未有。咁就打電話去催單啦，點知個電話根本打唔通，之後直情好似hold起咗條線唔接咁。之後我地直接行到佢個門市等，去到佢門市已經1:15，超時35分鐘。問佢幾時得，佢話pack緊，但其實我地見佢根本未煮好晒。晒我地時間。咁我地就見我地lunch嘅時間只淨返5分鐘（冇錯5分鐘），就果斷棄單。同佢講我地唔要張單，講咗幾次先應，搞到我地冇時間再買其他鋪頭嘅野食其實七十代嘅野的確係好食，但今次嘅經歷令我唔會幫襯佢。35分鐘都未整出黎嘅外賣，明明你有1個幾鐘準備時間都未煮好，咩料啊？