娘咩咩 (已結業)

疫情關係都好少出街食lunch, 日日喺外賣平台搵嘢食都唔知食咩好，今日喺外賣平台見有新餐廳加盟就試吓呢間娘咩咩。泰式香葉肉碎煎蛋飯（小辣），餐廳用紙飯盒，好過發泡膠飯盒嘅！感覺為環保出返分力。隻蛋黃半生熟仲煎到燶邊，有誠意香葉肉碎就冇咩香葉味，而且肉碎食唔到泰國菜常用嘅魚露香味，就是比一般泰國菜清淡一點。不過，佢杯奶茶都唔錯。份量剛剛好，成個飯大兜亂一齊食都唔錯，喺中上環嚟講，50幾蚊有飯食又有嘢飲，都算抵啦！