沙頭角餐廳

营业中

休息中

沙头角开放咗，几难得先至可以申请到入嚟禁区。当然有好多嘢都想试啦。其实中午已经系街市熟食档食咗啲客家嘢，但系真系唔想错过任何机会，都嚟呢度试埋佢个墨鱼饼蛋卷。之前都有朋友嚟过，但系完全揾唔到呢一间，好彩我上网有做足功课，俾我揾到佢。其实围住个沙头角行嘅时候朝早已经见到呢一间舖，但见佢冇人，咁就去咗街市同埋周围行吓先，点知返转头已经坐满咗人，但因为之前已经试咗其他嘢咁走，所以净系谂住嗌一份坐喺餐厅出边食，唔好阻人做生意。去到收银处佢话一份要百几蚊，我呆咗，跟住我话出边餐牌唔系写呢个价。跟住佢解释因为佢讲𠮶一份会多啲。所以大家叫嘅时候要清楚避免有咩误会。讲返个墨鱼饼，啲墨鱼酱鸡蛋同埋有墨鱼粒粒，啲墨鱼粒粒都几鲜味同埋鸡蛋啊，𠮶鱼浆就冇我想像中咁结身，但夹落去嘅时候又唔会散。虽然细份为返起10几蚊一件，同埋有件特别细，但我觉得可以一试嘅。佢个整法有少少似煎鸡卷咁样样。我估计应该系煎左蛋皮，然后卷住啲墨鱼浆再蒸，蒸完之后再煎。呢个整法我觉得自己可以试吓喺屋企整。本来想试买佢个客家砵仔猪肉，但系因为已经食咗野，都系留番下次。