薩莉亞意式餐廳 (環海東岸)

营业中

休息中

今日星期日放假，返正要出街買餸，不如出街食飯算，女友小熊提意去薩莉亞，於是落咗 Soda Mall 哩間薩莉亞幫襯.哩間薩莉亞唔係第一次幫襯，水準叫okay，但今次就失敗了!第一次點墨魚汁意大利飯，一上枱嚇一跳，墨魚汁質感好水好淡，望上去完全係墨汁浸飯，完全無濃郁感! 成碗飯食咗兩啖放棄浪費食物! 難食到為食仔都反艇!!邊個係為食仔? 係女友小熊為佢改名嘅小熊唯尼! 自己睇相吧!另外粗管麵嘅忌廉汁，粟米湯同磨菇湯質感同樣好水，唔合格，好失望，攪到為食仔開始發脾氣!羊架口感鬆軟但味道頗淡，要加黑胡椒同芝士粉先叫做有D味食得落!正常嘅日式管理嘅餐廳，水準都好穩定㗎，點解今次咁失敗? 接二連三嘅菜式都出問題?慶幸意大利咖啡蛋糕同檸檬蛋糕，水準不變夠凍夠香又夠味!