影片
更多
2004-08-09
77 浏览
早兩日補祝朋友生日, 我揀左呢間我想幫襯好耐既貴野....明知自己埋單啦~~~ >.< both of us 都叫full menu, $448 共7 courses. (另有$388, 6 courses, 冇鵝肝果項既.) 我地冇order wine, 不過諗番轉頭, 飲wine 可能仲抵, 橫豎都要買水~1--marinated raw beef tartar, 佢上桌個樣好似反轉個罐頭"cop" 左罐五香肉丁出黎咁(環境黑丫麻!)~ haha! 黑椒,胡椒,麻油調味既生牛肉口感同味道都唔似食緊生野(咁即係好唔好呢?), 可能自己接受能力強卦! 咪好似日本刺身咁feel~ 加了crystal pear 在其中, 清甜既味道好配合! 唔會覺得怪! 但朋友望住我把紅色既野放入口...其實係好似吞拿魚咁色je...反應就係: 好似原始人呀! (比多$50 可轉生蠔海鮮盤, 不過冇咁做~)2--french duck breast, 上桌個樣都靚既, 簿片簿片咁再用d煮到好焾切唔開既筍毯底. 食落就普通d, 最奇就係d 汁...味道好似開稀左既甜醬!haha! 鴨胸本身咬
1--marinated raw beef tartar, 佢上桌個樣好似反轉個罐頭"cop" 左罐五香肉丁出黎咁(環境黑丫麻!)~ haha! 黑椒,胡椒,麻油調味既生牛肉口感同味道都唔似食緊生野(咁即係好唔好呢?), 可能自己接受能力強卦! 咪好似日本刺身咁feel~ 加了crystal pear 在其中, 清甜既味道好配合! 唔會覺得怪! 但朋友望住我把紅色既野放入口...其實係好似吞拿魚咁色je...反應就係: 好似原始人呀!
(比多$50 可轉生蠔海鮮盤, 不過冇咁做~)
2--french duck breast, 上桌個樣都靚既, 簿片簿片咁再用d煮到好焾切唔開既筍毯底. 食落就普通d, 最奇就係d 汁...味道好似開稀左既甜醬!haha! 鴨胸本身咬落好軟身, 唔係好食到肉味同埋肉質(冇紋理咬).
3--king mushroom risotto w/ grilled sea scallop, 飯粒係一般西式生米煮法, 加左菇粒, 改善左不愛西式飯既人既口感. 菇飯混著由些少白酒造既白汁, 味道算唔錯, 但我覺得我可能都煮到~ 好彩食到最後一口, 就係件scallop啦番d 分, 真係好鮮甜, 比預期既好味好多!
4--hot seared foie gras, 唔掂! 我唔鐘意佢好似向鵝肝面灑左d麵包糠先煎, 太脆...個面有d 硬, 失左鵝肝軟滑好溶化果種口感! 脆面入面又唔夠creamy.....好失望呀! 大家skip呢味食6個courses平d!
5--spinach cappuccino soup, 咪就係好似cappuccino咁個湯係用咖啡杯盛既, 面頭有打成cream 既milk, 可以飲到兩種味, milk 加到湯入面前後係兩個感覺, 都好味既. 湯既質地唔厚, spinach + cream味但係稀既, 有d唔慣! haha, 湯入面有d "蝦米", 我寧可佢唔好加, 係就加d 大少少個樣靚d既, 而家真係好似蝦米咁一粒粒, 有d仲見到腸, 好肉酸!
6, main course:--roasted baby lamb, 已切件企晒向度, 有棵菜,有個細細薯, 個薯好甜好味, lamb 正正常常極普通, 又冇羊肉味. 反而朋友既crispy salmon steak 幾好, 有d 特色, 魚皮好脆, 魚肉比想像中控制得好, 起碼冇成碟油! 用紅豆造汁, 有dd 酒味, 襯得好過我個lamb!
7--brulee, 幾好, 蛋好滑, 有適量既甜味同埋薰衣草香. 旁邊有幾件水果, 唔酸! 因為我食左水果先食甜品!
正如一般既法國菜, 細細碟好精美, 但如果唔係有個海景, 都做唔到呢個價錢. 裝修方面, 日頭睇係靚過夜晚好多!
現場既服務冇大問題, 但電話既manner就好冇! 打電話去想book檯, 唔知以為打左去茶樓! d人講野好似冇當過自己係高級餐廳(可能佢地真係唔當係高級餐廳)!
张贴