Das Gute (已結業)

買麵包去行山，買完先知原來都係A1集團，其實喺香港好似無論食咩都係幫襯嗰幾個大集團，真係好壟斷。😑🤐買咗個芝士軟心法包。🧀疫情關係已預先用透明膠袋入好，所以行入舖就少咗麵包香，包好大個，圓形，直徑應該有6寸，差啲個紙袋都入唔晒😆，包面有少少芝士，咬落少少脆，都幾香，中間芝士雖然唔少，但反而唔係好香，雖然話法包但質感唔算太硬，有少少後悔買咁大個包，因為食唔晒覺得好嘥。