輝哥火鍋 (已結業)

我屋人企人話輝哥好出名打邊爐，係咩？點解之前未聽過的！我只係知美味廚咋，哈哈。入到去好闊，果然好多空位。今晚巴閉，三個人坐埋牆果邊啲大枱。點餐紙上面選擇算係好多，海鮮、肉類、蔬菜都不缺乏。好高興生蠔有日本品種的可供選擇，雖然唔大隻，但勝在滑嫩多汁。當晚我簡左雙拼湯式，特定的款式仲可以平啲添，於是簡左沙嗲拼芫茜皮蛋湯。生蠔放入唔同湯底有唔同風味，芫茜的更清香，海鮮味重；沙嗲的較惹味，不過好似襯豬牛雞好啲。另外不得不提係個堝甜粟米，睇個樣以為唔太黃，應該未係好熟好甜，點知好食到炸開！好爽口、索索聲！一碟6件，件件都爽甜好味，唔會有舊無啦啦唔甜。個美國牛就麻麻地好味，放一放落湯度滾就縮到好細好細件，冇曬啲肥。牛肉冇咩脂肪其實唔係咁好食，都係雪花肥牛正。而且稍嫌肉質太粗，牛味太重有啲腥同價錢不太成正比。啲丸同埋芝士腸都唔太ok，雖然啲丸係自己打，但不如大批製的好食。原因係唔彈牙之外仲好似調味不足、種種丸都差唁多味咁。至於芝士腸好貴，50蚊只有8條。個質地好硬好硬，滾左好耐都好硬。另外中間啲芝士都唔溶，滾好多條都唔溶：﹝唔開心。象拔蚌抵讚！份量多冇坤人。新鮮即切，點啲芥末豉油即可入口！而放入爐中