正斗（太子）都叫係我地酒友成日會去的地方，我自已都試過一星期去左2次。連待應老闆都認得我地，今次酒友女話不如去大角咀分店食仲要有優惠。因 而我地一 行4人去打邊邊！～其實大角咀店都不叫很偏遠，在油站附近，馬會隔離。樓下已經寫幾多點有幾多折。我地最後有8折優惠。
大約8點半到達，人數不多，個個睇跑馬。我地坐係4人桌，待應好快地比調味料我地。而我地都好快睇下叫咩配料食。當然我地叫好最味的蕃茄薯仔湯 （我地勁鐘意未整野食就飲少少湯先，再叫加湯）
餃子大隻又多料，皮都薄身。蓮藕薄又夠脆口。湯底同太子一樣咁好味，薯仔勁淋又粉，好味道。
脆肉魚腩大舊骨吾多，冬瓜切得薄份量還可。
當然有酒友女最愛的午餐肉，因為厚身之餘有肉，係正斗必叫之選。
響鈴新鮮制作，這裡如果剛炸起會給一個酸汁，比其他打邊爐店細少少和薄身，偏油，夠新鮮。
炸魚角有點失望，太淋。皇帝菜正常乾淨。
1
蜂巢豆腐大舊夠凍，整左放好耐都吾會爛，入晒味。而牛黄喉（牛的喉嚨）個人一般但男人喜歡吃這個。
大蜆堅大隻都係＄78，4隻切一半所以變成8隻都正常價和堅大隻！！ 厚身同有鮮味。
1
手切牛肉份量多，有少少膏和肉連住勁香又吾硬，吾錯。
鱔片正常，夠厚身。
竹生麵沒想到咁多，夠幼要快食，有口感吾錯。
總體：過左10點左右開始多人，因為折扣更多，但食煙的都更多，所以如果不可以吸2手煙最好去太子食，味道質素和待應都好好，而大角咀坐得舒服似 餐廳，太子似大排檔。我地坐了3個鐘又冇叫人走，最後結帳價錢每人都係百幾二百，所以係我們常去的打邊爐店舖！！
