8鍋臭臭鍋 (金巴利道)

营业中

休息中

早几日天气转凉，开始已经想食打边炉，琴日🐻带咗也米😍去食一人一锅，今次我哋去咗食8锅臭臭锅。原本想试吓佢嘅期间限定，黑麻油鸡锅🐔，但系点知去到嘅时候已经售罄🙈，咁唯有食返佢哋原本有嘅味道。今次我哋事我哋未食过嘅台式麻辣锅🌶同埋香蒜牛肉锅🐮。全部锅物都系会跟一个饭或者一个粉丝，饮品另外再加。-🍴香蒜牛肉锅🐮($119) - 入面有娃娃菜🥬、牛肉片🐂、葱爆贡丸、甜不辣、牛丸、老油条、粟米🌽、金针菇、炸枝竹、少量粉丝、沙白、鸣门卷、豆皮虾卷、蕃茄🍅、青豆角同埋黄金鱼籽球。全部𩠌都有少少🤭，完全满足到我哋咩都想试嘅心态。依个锅清清地带住蒜味，不过又唔会好突出，正正常常，CP值唔会话好高。-🍴台式麻辣锅🌶($119) - 入面有娃娃菜🥬、牛肉片🐂、麻辣饺、甜不辣、福州鱼蛋、龙脷柳🐟、鸭血、沙白、米血糕、大肠、鱿鱼圈🦑、老油条、金针菇、炸枝竹、王子面(半个)🍜、鸣门卷、青豆角，同样都系每款配料少少🤣，我哋拣咗小辣，但可能因为一路都煮紧，小辣加埋热辣辣🔥都几辣口，大家都要衡量下。