塚田農場

营业中

休息中

尖沙咀海港城海运大厦2楼有一间冢田农场，环境十分舒适，夜晚喺𠮶度食晚餐，可以望到维多利亚海港嘅夜景，非常之有情调。今晚约咗个朋友，大家都系谂住坐吓倾吓偈，所以就轻食。头盘叫咗个海虾羽衣甘蓝沙律，有两只好大嘅虾好鲜甜，羽衣甘蓝非常之新鲜，沙律有莲藕、茄子、玉米、生菜，配搭特别，莲藕茄子都轻轻用油炸过，加上佢哋酸酸嘅醋和橄榄油配合，感觉非常之有益同埋健康，味道口感亦都好有层次。炭烧黑萨摩走地鸡配稻庭乌冬，乌冬非常之烟靭，走地鸡系异常嘅鲜甜非常有鸡味，而且有浓浓的碳烧嘅味道。哪个汤味道够浓郁，配乌冬恰到好处。海老天妇罗寿司卷，脆卜卜嘅鱼子在外层，香软的寿司饭包住一只鲜甜嘅虾，份量啱啱好。三文鱼牛油果美人卷十分清新，三文鱼加牛油果都系软滑的，加啲新鲜嘅蔬菜，好清纯嘅感觉。