韓雅林

营业中

休息中

星期日同朋友出街，行到天黑就開始肚餓，想去間坐得舒服嘅餐廳食晚飯😋朋友話有間喺銅鑼灣廣場一期嘅韓國餐廳好想試，所以就決定去試啦🇰🇷入座點咗餐冇耐就送上好多前菜，好開胃😋韓雅林醬油蟹(1pc) $250————————————一件醬油蟹都夠肥美，夠晒我同朋友兩個人分🦀醬油蟹最緊要新鮮，餐廳表明每日新鮮製作，隻蟹爆晒膏，蟹肉鮮甜，陣陣醬油鹹香。餐廳送上牛油飯，個飯爆多麻油紫菜配上蛋黃，個人認為，醬油蟹拌飯食係個精粹🤤啖啖都好濃郁好香😋海鮮蔥煎餅 $138————————————超大份煎餅！超足料，蔥香滿滿，加上甜椒🫑仲有粒粒海鮮！煎餅好焦香，尤其係餅邊特別香口。香辣韓牛肉湯 $165————————————大大鍋又超足料！牛肉一絲絲，份量都頗多，配菜有金菇、蔥等等，配個白飯，好暖胃。Makgeolli米酒 $120————————————用壺上米酒好有feel🫖 酒精味唔會太重，有甜甜嘅米香，微微嘅碳酸氣泡感，好Smooth嘅感覺。