大利冰室

营业中

休息中

因為探朋友先至會經過呢個咁偏僻嘅地方，位於深水埗同大角咀之間，個招牌同埋個格局都係好舊式，應該係一間地區老店，所以就行入去幫襯一下。傳統茶餐廳當然要試一試佢嘅沙嗲牛肉麵同埋奶茶。先講沙嗲牛肉麵，佢個沙嗲牛肉當然係整定嘅，叫先至加一兩羹落去，沙嗲牛肉麵上檯就先攪勻佢，等d沙嗲汁撈勻，撈勻後仍然夠香，而且唔太咸，唔錯，至於d牛肉都有肉味，我自己覺得算係難得。至於杯奶茶都夠香濃，好有傳統茶餐廳嘅味道。價錢都好合理，值得一試。