北海道十勝道場 (已結業)

聖誕無咩目的食乜,同老公&好友,諗住去影燈,但緊係醫左五臟廟先啦!老友介紹呢個位好似有間日本野,但上到去,老友話好似轉左手,不過肚餓關係,唔理喇,見價錢ok喎!入去試下先!

完全唔使等位!正到爆!

order左四合一salad, 賣相好得喎!朋友點左sushi,都係超班,賣相靚之餘,仲好好食!

salad好抵,55蚊有4種口味!

好靚呀!

以我品嚐日本菜咁耐,一定會試下佢地d厚燒玉子既,唔試由自可,一試即encore! 無論熟既程度,質感,熱度係99分!!!! (唔比100分啦,免得佢地自滿XD)

層次分明!正!

即時翻叮櫻花蝦玉子,好味到停唔到!

印埋嘜頭既玉子,好味到震

間野既串燒仲幾出名,每人整左一寸燒豚腩.......哇......天啊!真係有種相逢恨晚既感覺

出名既豚肉燒,連ONION都食埋!

無意中,見到話只要在店員面前上FB按LIKE會有小食送,梗無執輸啦!結果都無失望,好好味喎!

打咭就送小食,醋味濃郁既三文魚!

3個人,食左有7-8樣野,有SALAD,SUSHI,甜品,串燒,玉子等,仲每人一杯野,埋單平均每人150蚊,仲要聖誕節唔使等位,真心抵到爆!!

希望多人D幫襯啦!