土耳其小城 (萬昌樓) (已結業)

想揾间有其他风格嘅餐厅二人世界，比我男朋友揾到呢间，我哋就梗系即刻去啦🥳去到之后好似去左旅行咁，仲可以影到好多张相。而且餐厅气氛唔错，同男朋友去拍拖都好合适🥰系小食方便，我哋叫左松化咖喱角同牛油烤饼。咖喱角系10分松脆，而且咖喱味浓郁仲要配合埋豆蓉做馅，口感十分丰富。牛油烤饼完全值得一叫，劲香牛油味，如果好钟意食牛油味嘅朋友，可以用呢一个代替白饭。主食方面，我哋叫左个咖喱克勒鸡肉炒饭，浓郁嘅咖喱香味，配上十分嫩滑嘅鸡肉。而且分量十足，再加上佢哋嘅特制酱汁，令到我哋食得十分满意！由于食得太饱嘅关系，所以我哋就叫咗杯茶味浓郁嘅土耳其茶，可以令到我哋有消滞嘅感觉！