熱沙咖啡

营业中

休息中

平时去开长洲、坪洲或者南丫岛等等嘅离岛地方，好少去马湾，所以同另一半决定去一转马湾。𠮶时正值下午茶时间，由于马湾都唔系好大，好快我哋都探索咗岛上面几个景点，于是我哋就决定求其喺附近揾一间嘢食。最后居然俾我哋好求其地揾到一间好有特色嘅土耳其风味菜，我哋都留意到其实全场爆满，我哋身边所有食客几乎都有book位。但咁啱我哋去嘅时候有客甩底，咁就好幸运地可以食到。‣ 土耳其烤鸡饭 $178烤鸡都算几大份，虽然块皮有少少㶶㶶地，但系我觉得佢嘅鸡肉都算嫩滑，唔会太嚡口，而且都好多汁。米饭就正正常，软硬适中，如果想味道再更上一层楼，就一定要搭配佢特制嘅酸辣酱一齐食，食多几件鸡都唔会觉得特别油腻。‣ 土耳其鸳鸯雪条配咖啡 $78如果唔钟意饮斋啡嘅朋友，饮呢杯就啱啱好，我觉得雪条嘅甜味系可以中和到咖啡嘅苦，又唔会令到杯咖啡变得太甜，感觉啱啱好。喺过程入边我都偷偷地拎起个雪条咬咗几啖，我好钟意食个雪条，因为我觉得佢嘅甜味啱啱好。如果下次大家有机会过嚟食嘢，一定要试一试呢一杯特饮。‣ 土耳其咖啡 $45系斋啡嚟，冇糖都冇奶，够晒正宗。味道算系好易入口，唔会好苦，你饮到佢嘅甘香多过佢嘅苦涩味。