美心MX (港鐵粉嶺站) (已結業)

早排喺美心MX食咗個tea都幾正~烈焰叉蛋包拼咖喱車仔三寶 ($35),  叉燒夾炒蛋嘅包好少見, 佢仲標榜自己係大師級叉燒添!個叉蛋包的確好唔錯呀, 拎上手個包仲係熱熱地, 雖然賣相唔太靚, 但係入面份炒蛋都幾足料又夠滑~ 啲叉燒Zip咗喺個包入面所以張相睇唔到, 其實有成五六塊大大塊㗎, 而且啲叉燒質感好鬆軟, 味道又好香, 有驚喜~至於咖喱車仔三寶真係比想像中辣幾多下....我冇諗過喺間快餐店都會有咁辣嘅咖哩.....三寶即係有魚蛋豬皮蘿蔔, 每樣有三件, 個咖喱汁食落好惹味, 唔怕辣嘅話呢個都幾好食~