漁屋日本料理 (已結業)

已经帮衬过呢间好几次，每次都好满意！虽然订位要早几日订，即日订通常都冇位，除非9点后都有机会有位（星期五，六，日就一定要早订）每次黎到一定会叫个剌身！ 不得不赞呢度的剌身！！！虾身非常肥大，味道鲜甜，三文鱼都好正！！另外亦点了八爪鱼、墨鱼片、荣螺片等，整体来说都几新鲜。超级满意！！好多选择，最中意佢地既焗蚝同金菇牛肉卷！每次都一定order!! 佢地个乌冬煲都好正。好多甜品选择，每次都食到好饱好饱！有时撞正有人生日，佢地会关灯＋播生日歌。几有气氛，不过一播就播几分中，英文，广东话，普通话连播几次，有D太长，如果可以短D就好。有一样唔好就系佢地成日唔见单！ 要不停吹佢地，好多时明明落佐单，等佐好耐都未有野食，跟住佢地话揾唔到你张单，要你再落过。（但你都唔记得自己之前落佐d乜）。但总体黎讲，都好满意，野食好好食。D位唔算太迫。