一點幾去到，店內full咗店外都有唔少人等外賣，我就揀咗是日lunch既孜然茄子土匪豬扒飯（睇個名好得意）跟熱檸水～
返屋企打開見到其實同我expect唔太一樣？沒預到都係炸嘢黎，同埋比起之前試過既滑蛋原條鰻魚飯同蔥油雞扒飯顯得孤寒少少😅茄子一大一細兩舊，豬扒分咗幾條，不過米飯就量夠足😂
茄子就唔係好油不過冇咩孜然味，土匪豬扒就係普通炸豬扒，不過肉質ok唔乾唔鞋有肉味有少少調味咁，米飯都軟硬適中，不過豉油量可以再多啲啲就更好。
孜然茄子土匪豬扒飯 6.0/9
講真如果我係第一次買lunch見到係咁我可能未必會再幫襯😂不過包嘢飲$49就唔好expect太多啩😂
