捌捌陸台式料理 (家樂坊) (已結業)

平日晚飯時候，7點入場。入坐率大約3成，旺角地區來講真係算幾差。食落先知唔係冇原因嘅，一行6人，佢哋安排張細枱。個場又大量枱，大佬啊雞煲打邊爐，又冇張枱仔俾你擺食物。啲食物都冇位擺。6個人得一個細雞煲每人兩件，咁都算，諗住打邊爐食多啲啦。點知食物選擇都原來好有限。啲扇貝全部都係殼肉分離嘅。雖然當晚得3成入坐率，不過要搵個侍應收碟都唔容易，張枱已經細，碟又唔收。食物質素好一般。選擇亦唔多。所以絕對冇下次。