銅鑼灣返工既我, 1點放lunch直奔鋪頭, 但都係要排隊.
不過一個人食, 10-15分鐘左右就已經有位, 還好.
炙燒豚肉味玉拉麵 $88第一次食, 叫返個最基本既拉麵先.
飲咗啖湯先, 湯底好濃, 唔算太鹹,
結果忍唔住係咁飲個湯! XD
麵我揀硬身, 所以質地一定啱食.
炙燒豚肉係亮點! 入口即溶既肥膏!
因為燒過而變得更香口既豚肉! 好~正!
味玉亦非常入味, 糖心程度又剛好!
整體份量亦唔錯, 基本上女仔一定食得飽~
羽根餃子 $8 (跟拉麵)因為跟拉麵太抵既原故, 又因為當時好餓, 所以追加咗個羽根餃子.
其實本人對餃子實在冇乜研究....
只要唔係特別難食, 覺得度度都差唔多 ^^'
只睇CP值, $8有5隻咁大隻既餃子, 真在好抵,
外皮脆脆, 新鮮熱辣, 幾好食!
一個女仔食, 份量我覺得太多, 雖然我都食哂,
但下次都係唔好咁貪心!
(其實加$8除咗餃子, 仲可以揀炸雞架,
但炸雞份量好似仲多, 一個人冇可能食得哂, 唯有等下次)
結論: 果然, 拉麵迷朋友推介既係唔同啲! 納入最愛之一~
