圓方茶餐廳 (已結業)

再替日本朋友發表意見，佢自己係日本都會寫食評，係跨國為食一族. 匆匆逗留左三日，我寫比佢長長嘅香港美食名單，亦只係試左一兩間. 佢地一家住係灣仔嘅酒店，對面嘅"圓方茶餐廳"自然係醫肚首選. 留港第三日嘅午餐食左"鮮蝦雲吞麵"同"楊州炒飯"鮮蝦雲吞麵:麵質夠爽有好質感，湯底濃度適中. 雲呑皮有鹼水味，豬肉有油香，鮮蝦亦彈牙.楊州炒飯:炒得乾身入味. 同時能帶出飯香，層次分明，清淡中又幾香口. 食物水準未必係城中最好，但係勝在平均，價錢相宜.