影片
更多
2024-03-29
1757 浏览
Openrice第一篇食評寫左比佢，太難食忍唔住要同大家分享，希望大家唔好中伏真心！唔！好！食！鰂魚涌人士唔好受騙本人於下午2點叫左一個蛋撻一個pandan pineapple bun外賣，本身已經係諗住留返食early dinner，所以比完錢已經即刻問cashier要”microwave”幾耐（佢係外藉人士所以用英文），佢答我”5minutes”我用質疑既語氣再問多次佢 “5 minutes for microware?”佢仲要同同事商量完再confirm我 “yes, microware is different from oven, at least 3 minutes”好，唔緊要，或者佢唔識點用microware 或者係我衰，冇同佢講我microware用幾大火力，咁我都冇深究呢個問題，拎咗袋嘢就走咗。到夜晚六點嘅時候，想攞返啲嘢出嚟食，見到原來佢放個蛋撻落去嘅時候喺倒轉左放，即係蛋漿向下，皮向上，一打開啲蛋漿差唔多跌出嚟，接受唔到，但佢冇跌到出黎所以都唔緊要。我就倒返轉放入去microware即係微波爐，叮第一次用 Warm 30秒，唔熱叮等二次用 Low 20秒，唔熱叮等
太難食忍唔住要同大家分享，
希望大家唔好中伏
真心！唔！好！食！
鰂魚涌人士唔好受騙
本人於下午2點叫左一個蛋撻一個pandan pineapple bun外賣，
本身已經係諗住留返食early dinner，
所以比完錢已經即刻問cashier要”microwave”幾耐（佢係外藉人士所以用英文），
佢答我”5minutes”
我用質疑既語氣再問多次佢 “5 minutes for microware?”
佢仲要同同事商量完再confirm我 “yes, microware is different from oven, at least 3 minutes”
好，唔緊要，或者佢唔識點用microware 或者係我衰，冇同佢講我microware用幾大火力，
咁我都冇深究呢個問題，
拎咗袋嘢就走咗。
到夜晚六點嘅時候，
想攞返啲嘢出嚟食，
見到原來佢放個蛋撻落去嘅時候喺倒轉左放，
即係蛋漿向下，皮向上，
一打開啲蛋漿差唔多跌出嚟，
接受唔到，但佢冇跌到出黎所以都唔緊要。
我就倒返轉放入去microware即係微波爐，
叮第一次用 Warm 30秒，唔熱
叮等二次用 Low 20秒，唔熱
叮等三次用 Medium 20秒，少少熱
但係我都唔夠膽再叮
或者可能真係要好似佢咁講叮5minutes先熱 （笑）
叮完蛋撻就食左個蛋撻先
叮完之後有一層油喺啲蛋漿上面遊走😥
已經吸左啲油先食個撻。
個撻食落去第一啖覺得冇味道，
以為係自己飲完支茶，所以食唔到味道
繼續食落去，越嚟越唔對路，
完全唔知自己食緊啲咩，
佢有雲呢拿籽，但係冇雲呢拿籽嘅味道，
佢有蛋漿，但係都冇蛋漿嘅味道，
我本身拎住左張抹手紙包住咗個蛋撻食（因為真係太多油），
點知食食吓個蛋撻，竟然食到張抹手紙嘅味道
我再食多幾啖，都係抹手紙嘅味道。
我先意識到，原來將抹手紙仲有味過件蛋撻🤓
$18一個都忍唔住要食咗一半就掉咗佢
之後食個pandan pineapple bun,
呢個冇叮到，因為我平時都接受到食唔熱嘅包，
一食落口，都係冇味嘅🤷🏻♂️
又唔似菠蘿包，又唔似班蘭味道。
食食下原來個包中間有啲班蘭醬，
咁多樣野只有啲醬有味道
不過都係唔好食既同埋feel到好多油/牛油🤦🏻♀️
收$28蚊一個，再忍唔住食到中間就掉咗
完全係浪費緊我quota
好似食緊好多脂肪落肚咁🤷🏻♀️🤷🏻♀️
可能有人話係我擺太耐既問題，
不過隔離hashtag b都唔係新鮮即場焗出嚟，
我自己隔幾個鐘叮翻嚟食都唔會話完全冇味道🤷🏻♂️
去普通面包舖買個$10菠蘿包擺一陣都未至於個脆皮淋啤啤同冇味
所以我真係唔識欣賞呢間舖頭🤷🏻♂️
真心！唔！好！食！
鰂魚涌人士唔好受騙
P.s. 嬲得滯，食到一半就掉晒落垃圾桶，連相都唔記得影。淨係用返個袋去裝住自己嘅嘢，得個袋張相。冇食物相。
103 浏览
0 赞好
0 留言
张贴
