稻穗亭 (已結業)

今晚一家人慶祝母親節,周圍都係人,真係好難搵到嘢食,我家姐仲由天水圍出嚟鰂魚涌食飯,原本諗住去太古城food court攪掂,行過君頤,諗住食上海嘢,點知有排等,而喺四周只有呢問唔駛等,咁就好唔好彩咁入咗去,真係好後悔,我老公冇聽到佢話食到幾點last call,當時已經差唔多8點,9點就last call, 即係得1個鐘,啲食物得好少選擇,又成日漏單,我第一次叫咗1份南瓜天婦羅,佢嚟咗3塊,第二次我同樣叫1份番薯天婦羅,佢嚟1塊,每次order1份,嚟既件數都唔同,真係估佢唔到. 我老公食到成碟都係嘢,個waitress好醒咁幫佢換碟,但換咗隻膠碟比佢,咁我老公問佢可唔可以換番隻有深度既碟,方便佢食火鍋時啲湯唔會漏出嚟,個waitress竟然話冇晒,因為未洗好,真係攪笑,咁都可以話比啲客人知?叫咗個烏冬未到,諗住問吓睇吓要唔要再入單,個waitress話漏咗單,叫我地再點過,諗住入紙時個烏冬就到咗,真係唔知佢邊句真HK$250真係唔值