明記茶餐廳 (已結業)

果日同fd走去食早餐，一入到去店員既態度已經好唔禮貌，仲指責我地唔識為左方便佢地送餐近D而坐。我地都算，返正可能食物仲有得搭救。我叫左炒蛋雞扒配公仔麵。食物一黎到賣相已經唔好，公仔麵既湯底得個咸字，完全係味精湯。麵質又煮得過淋。雞扒份量少得可憐，食落去又鞋。麵包只有求其地揸過牛油，但都可以揸到唔勻。炒蛋冇味。奶茶一般。環境污糟，餐具上有明顯污跡，係呢段非常時期都可以做到噤，可見之前更加恐怖。總括而言，餐廳所有既野都好求其，完全唔建議黎食。同行朋友食左個海南雞飯，油飯黐埋一舊舊，雞肉太鞋。表示唔會再食。