潮陣 (已結業)

本來打算去東大街很出名的食肆吃牛腩麵，可惜太多人等位，東大街大把食肆，周圍行吓睇吓有冇其他選擇，經過潮陣，被他的門面和餐牌吸引了，於是入去試試。巨峰提子梳打，跟餐$10 熱香橙熱情果蜂蜜紅茶，跟餐$8 香橙和熱情果味濃，估唔到咁好飲。咖喱滑蛋豬扒撈伊麵，$64賣相一流，滑蛋真係炒到好滑，豬扒炸得好香脆，味道好。咖喱味好香唔係好辣，伊麵吸收哂啲咖喱汁，不會好淋，反而好爽口。好食😋極上牛丸（淨食）$63淨食都只得6粒，大約$11 一粒，我覺得有啲貴。但咬落彈牙多汁，有牛味，好食。炸雞翼$28，炸得香脆多汁，不會太乾。總結：本來想吃同一條街嘅著名牛腩撈麵，估唔到這間小店的咖喱撈伊一啲都唔輸蝕，$64 大大碗，好食又抵食。我會為這碗撈伊再次光顧。