咖喱至尊餐廳小廚

咖喱個底做得好足料，叫BB 辣， 味道唔係濃到濁嗰款，較為清香，洋葱、薯仔、香料都煮溶，食得出各種底味。 唔覺有無味精，食落好舒服
對比鄰近出名嗰間，呢間出菜温度夠而且無濯口、亦無味精嘅渴喉。

沙爹望落比咖喱深色少少， 質感同味道都似咖喱個底， 微微有花生同乾葱、乾魷魚嘅味。 一樣好好食。 但唔似馬來沙爹或潮州沙茶味。

兩款一齊食，食到中段就較為難分辨到食緊咖喱同沙爹，反而令沙爹無咗突出。

咖喱配牛腩會係首選， 加入咗入嘅油香，牛坑腩嘅筋膜，提升咗個咖喱層次。