經典冰室

营业中

休息中

新開張，所以入去試一試，裝修用返之前山葵大部份嘅材料，但係改裝左，貼左新嘅牆紙、枱亦鋪過晒新嘅貼（包左貼）、換左新既椅（懷舊椅）、環境都算乾淨、衛生都OK。我哋叫咗個芝士雞扒滑蛋撈丁，另一個係厚切西冷牛扒煙肉配意粉。整體味道屬於普通，芝士既汁無咩芝士味，好粉溝出黎既味，但確實係經典茶餐廳會整嘅味道。而厚切西冷牛扒並唔係厚切，係正常嘅厚度。黑椒汁夠味，滑蛋整得好滑。所以味道係符合返餐廳個名，經典嘅普通茶餐廳既味道。店員都好有禮貌，雖然味道普通，但服務態度值得加分。