店內座位擠迫,坐得唔係太舒服,兩個人去食,預咗要搭枱,不過抱住食完就走嘅心態,所以冇所謂啦!!
今次叫了米線套餐同兩款小食,味道大致上ok,份量同價錢都算合理,路過嘅話,會再次幫襯.
過橋清湯米線套餐,見到枱枱都叫,所以我又試吓,價錢$41,湯清味淡,配料有魚蛋、牛丸、墨丸、竹笙、牛肉、雞肉、豬肉、腩肉、火腿、炸醬、酸菜、豬膶、芽菜、韭菜、腐皮、生菜、豆卜,配料夠多但味道一般,牛肉同豬膶較嚡口,其他就普通,勝在大大碗,乜都有,兩個人食都冇問題.
湖南土匪雞翼,價錢$25有五隻,加了黑芝麻同炸,味道香口惹味,雞翼外皮唔算香脆,但肉質尚算嫩滑,醃料偏鹹,如果淡番少少,味道會更佳.
蒜泥白肉,價錢$20,蒜香味濃,肉價偏肥但嚡口,醬汁過鹹,建議加落米線同食,味道剛好.
