Bugis@叻沙・海南雞飯

周六因為要返工關係，所以下午茶時間於鑽石山站的商場揾地方食午餐。原本諗住幫襯位於地面的連鎖快餐但十分擠迫，唯有上2樓因見有幾間餐廳。

台式餐廳已經售罄所以暫停，見隔離呢間唔使點等，諗住試一次啦。周末下午茶連基本飲品大致上都要差唔多70元，而我揀咗雞扒麵 配凍玄米茶。

首先講份量，1塊雞扒開4件
碗麵相信可能有1個麵餅，但份量講真偏少，我會形容為仲少過連鎖快餐個“下午茶沙嗲牛肉公仔麵”。

再講食材，件雞扒未至於好韌好“鞋”
碗麵內有少少魚蛋，幾塊豆腐泡，加多半隻蛋

味道我唔會話差，因為呢間餐廳好似係標榜少鹽少油少糖餐廳，所以味道相對較為淡。

整體性價比低，應該無下次。