悠田盆菜餐廳小炒 (已結業)

星期五晚同一班朋友來食，同多數大排檔不同，有挨pan椅，舒服好多。原先想試八寶鴨，因屬功夫菜不易食到，但問過價錢要680蚊一隻（要提早至少一日預訂），朋友又無特別興趣於是作罷。餐牌已唔見盆龍雞，都係幾特別的菜式，仲有乳鴿炒飯都係第一次見，但朋友無興趣。欖角骨同牛柳粒都叫左，由於較普通就唔講。椒鹽鮮魷粉唔厚椒鹽味亦夠，幾惹味，應不比已拆左的元朗池記遜色。蝦多士最為推介，多士鬆軟加上原隻蝦，好香口，我地一行6人，老闆娘話有兩隻多左共8件，由於太好食，我不客氣的食多件（在美食面前客氣就是對唔住自己LOL）最後炸蠔都唔錯，粉唔厚而且蠔鮮甜肥美。餐廳內不大，應該7,8張枱左右，星期五晚仍坐唔滿，唔知係咪openrice太少人討論，事實上亦唔差，可以再來。