糖水檔 (已結業) 查看

佐敦海皮圆方、西九大兴土木，填海乜乜又搞工程，不过由始至终冇变嘅系渡船角一带，依然系宵夜集中地，好多餐厅食肆都营业至凌晨。喺鸡煲、串烧兴起之前，自己都间唔中会为菜干粥、炒面、肠粉、中式糖水过去。糖水档都有好耐历史，除左附近居民，都好多熟客会专登过黎食或者外卖。听讲仲有好多剧组买宵夜，一买就百几二百份。铺面位置唔多，我多数都系坐街边，食另一种风味 (笑)今晚喺附近食完饭，心思思想食碗糖水，室内依然冇位，阿姐即时开张枱俾我地。仲用紧以往放匙羹嘅铁盒仔，几有feel，不过价钱已经加到成$19碗。我地点左冻绿豆沙同芝麻糊，依然出色。绿豆沙 $19绿豆沙真系起沙而唔系水啰，绿豆、陈皮、海带足料，最重要有阵臭草香味，食落好舒服好润喉，大热天时食完饭整碗好满足。芝麻糊 $19芝麻糊糊状稠身，芝麻味都几香浓，略嫌甜左少少，不过够冻，我食完重口味野，非常消暑。