御.上澄 (已結業)

咁啱約左朋友，諗住想靜靜地坐低同佢傾下計,食個飯。見其他餐廳多人怕嘈，咁啱剩係呢間又冇乜客，所以就入去試下，入到先見餐廳環境原來好擠迫，餐具水杯望落去好舊。已經冇乜意欲，所以同朋友叫左個雜錦壽司套餐同叉燒拉麵，價錢唔平，係連鎖壽司店嘅價錢，但出到黎嘅食物係咁嘅質素...成個場待應得一個，服務會好先算


雜錦壽司套餐:壽司出奇地細舊，壽司飯散修修都算， 魚生比人感覺唔新鮮，山葵落唔夠仲要問先俾，套餐另有拉麵，啲湯冇味，好似清水咁，完全唔係湯黎！拉麵用鍋上都冇用，賣相麻麻


叉燒拉麵:叉燒係一細舊再剪開兩舊，餸少配菜更少..湯冇味，野飲加三蚊仲要比得好細杯


同朋友食完之後，自己都唔好意思拉左佢入黎，最後賣單仲要加一！下次寧願去幫襯連鎖壽司店