Chop Chop 食神叉燒 (宏安道) (已結業)

間中都會來買外賣飯，原因好簡單，呢間舖頭服務差就出晒名，不過俾面叉燒油雞質素唔錯，所以都間中會用$100幫襯油髀+叉燒+例湯，不過只可以外賣。

四月頭再嚟幫襯外賣，結果令人非常失望，招牌叉燒質素差咗好多，最令我吃驚嘅係，係盒白飯爛pat pat咁，嚴重太過濕，食咗兩啖就冇要到。買外賣唔通要檢查咗飯嘅質素先走？

即刻諗起上一次我喺呢間間舖頭叫同樣嘅油髀叉燒飯，竟然俾咗雞背脊我，嗰次我真係有行返去換，浪費咗我一來一回整整20分鐘有多。

今次叉燒同個白飯都出埋事，冇錯，燒味舖白飯出事，難以想像，不可原諒，結果得一個永無幫襯！