宵夜時段落街覓食，但九點三唔知呢度關門未，而Openrice 又無呢度既關門時間，唯有踫下幸氣
原來呢度收10:00! 
芝士肉醬焗薯條
熱辣辣，芝士仲可以拉絲拉到10cm添
肉醬係半肥瘦豬肉，而唔係牛肉，不過呢個價錢都預左
個汁濕得制，攪到啲薯條淋哂:(，雖然味道OK , 但如果你想食脆既話，就唔好叫佢啦
雜扒配薯菜燒汁
送上枱果陣係熱，但唔會有sass 聲
都係果句啦，呢個價都唔好甘高要求啦
雜扒有豬扒、雞扒、煙肉、德國腸，另外有薯角同粟米，好豐富
佢個汁鹹左少少，配薯角就岩啲，因為薯角無乜味。但啲扒同腸本身有鹹味，所以加埋個汁就更鹹:(
煙三文魚天使面
我比較中意食有咬口啲既野，但天使面幼得制:( 唔係我飛彿
呢個天使面都係鹹左少少 可能因為天使面幼 掛汁能力高 攪到食面果陣食埋好多汁 所以覺得鹹得制
下次可以試其他意粉
呢度無加一
飲品係自助既，熱水任斟，另外仲可以選擇加$10任飲汽水
