吉吉點 (已結業)

位于观塘闹市中 但入到去又系新一片天空。装修同一般茶楼有别，整间店舖装修系小清新风格，可以系忙中偷得浮生半日闲既感觉系正既。茶具碗碟都好有特色菜苗饺 用料系平日去饮婚宴个种菜苗，食落口特别清新，而且里面的都好多虾， 正！呢个系重点推介！ 芝心咸水角，挣扎左好耐应唔应该叫既， 芝士同咸水角个味好似好唔夹咁。不过鲜炸起黎真系超正，味道又岀奇地夹。不过提提大家，一定要热食 因为冻左就硬哂！宝贝二奶酥。。个名系唔吸引。不过入面原来系炼奶同奶皇包既"咸"做既。好正！呢个珍珠鸡超足料，冇得弹！呢个烧卖叫鲍螺鸡烧卖，几好味，烧卖入面有虾米同鸡，几正。 不过就得螺冇鲍浓汤棉花鸡，几多鸡同棉花，好足料