叫咗兩個咖喱蛋包飯，一個係吉列豬扒，另一個係漢堡扒，價錢大概都係70幾至80幾蚊左右。
我就太肚餓，另外再加左一個薯格同埋麥樂雞，同埋其中一個餐加咗茄子（$15）。
•
薯格就中中間間，冇乜特別。不過諗住加咗茄子，點知嚟嘅時候分開上枱果下，覺得真係少得可憐😂😂😂得幾條，可能擺埋落去冇咁礙眼明顯🤣
•
吉列豬扒同埋漢堡扒情況相若，冇影到原本吉列豬扒個樣，不過就炸得唔係幾靚。漢堡扒比較乾身冇乜油脂，味道好淡。
對於今次呢間分店嘅食物質素就一般般🥶
同埋感覺上如果咖喱入面真係有少少菜會吸引啲🤪
希望其他分店好啲
