炸老闆 (已結業)

今日下午系旺角上堂, 正值午饭时间, 但我又唔太肚饿, 所以打算买少少轻食番课室食就岩岩好啦。其实我系太子站B1出口附近既几条街都行左一圈, 餐厅系几多既, 不过无乜边间特别吸引到我, 唯独系呢间细细地既铺头最特别。大大只字写住台式葱油饼, 即刻令我谂起之前系台湾夜市扫街既感觉!鲔鱼玉米葱油饼 ($34)一共有8款套餐, 因为我中意食粟米我就拣左呢个鲔鱼玉米葱油饼。拎上手既时候虽然隔左个纸袋, 但都仲好热, 所以要等一阵先放到落口。个外皮炸得好酥脆, 一咬落去会有好多细碎飞哂出黎, 同时我觉得有点油腻。最夸张系中间既流心蛋, 我咬开左少少, 一个唔流神用力少少, 黄色的蛋浆就流哂黎, 食到我成手都系, 仲滴埋落条裤度… 有少少狼狈, 好彩有带纸巾, 如果唔系都唔知点算。另外因为我拎到番课室先食, 所以中间既吞拿鱼同粟米都sir哂落底, 最后食哂个葱油饼, 仲有好多馅留左系袋底。古早味冬瓜茶味道几好, 绿茶加左冬瓜糖去调味, 唔会太甜。食热辣辣的葱油饼, 配呢个凉凉地既冬瓜茶, 唔错。