喵喵怪廚 (已搬遷) 新店位置

同同事一齊經外賣平台訂餐，食物送到嚟公司仍然保持到溫度。個外賣袋仲幾靚添(我留起咗當環保袋用)，另外有包紙巾送埋俾你，好貼心。我自己叫左個 #秘製茄汁煙鴨胸炒意粉，意粉軟硬度適中，醬汁調味岩岩好。套餐會跟埋椰菜沙律、枝豆、溫泉蛋同一枝飲品。其中#白桃烏龍茶 清清甜甜幾好飲，如果唔鐘意甜味可以揀桂花烏龍。其他同事叫咗#旋風蛋罐罐飯，滑蛋賣相好得，但個飯略嫌鹹咗啲，建議餐廳可以落少啲醬油。（本身有post IG story，餐廳睇到仲即刻回覆我話會同廚師反映改善，重視客人意見值得一讚！）