珍味盞

昨晚有位朋友生日又想食泰國菜, 之前有朋友食過話好食又咁啱在藍田打完波成十點, 我們一行十三人就去左珍味盞, 可能太夜了所以不用等位. 一坐底先便叫拼盤(炸虾餅好好味), 鳯爪(我食得辣都覺得辣了點, 但好味的), 冬陰公金邊粉(椰汁味濃), 咖哩虾(用佢汁撈飯同食簿餅一流), 雞, 豬串燒, 白咖哩雞(這個一般), 泰式炒金邊粉(正), 冬陰公湯(唔同食金邊粉個湯的味, 淡左),炸虾餅(因太好味所以再來多客). 這間舖本收11:30點的, 我們食到11:45都無吹我們走, 重要攪埋個自帶的生日蛋糕慶祝一輪12:00先走. 總括服務好, 食物美味, 價錢都好合理, 所以有再光臨的機會.