Beard Papa's (康怡廣場南座)

营业中

休息中

星期三去Aeon買特價嘢，咁啱見到泡芙店有特價$42兩個泡芙、$38兩個蘋果批，於是就買左佢新出嘅蜜糖牛油味泡芙同兩個蘋果批黎試下啦。蜜糖牛油皮士多啤梨餡泡芙本來以為蜜糖牛油係餡料，點知原來係外皮嘅味道🤣。蜜糖牛油皮脆脆甜甜，食落有啲似拖肥糖，相比之下蜜糖味會蓋過啲牛油味，有啲可惜。餡料可以揀吉士、朱古力或者士多啤梨味，我地就揀左期間限定嘅士多啤梨味。啲Cream有少少果肉碎，食落偏甜但唔會太膩，有啲似食緊士多啤梨雪糕，作為一個小甜品都唔錯。蘋果吉士批蘋果批可以揀吉士或者朱古力餡，今次我地就揀左吉士味。一切落去嗰下啲吉士餡爆出黎，cream好多但唔會太甜膩，食落都幾香蘋果味，而且啖啖都有蘋果粒，值得一試。買嘅時候都唔算多人，而且佢哋手腳好快幾合拍，一個負責收銀，另一個負責準備泡芙，所以唔洗等好耐就拎到。