都會自助餐廳 (已結業)

香港地已经绝少地方有生蚝食。第一成本太高、第二卫生问题、第三要企个人喺度专开蚝。但交通方便的Eaton Hotel Buffet 就可以食到蚝，而且仲唔系每人每次排队限攞2只、而系任攞!攞晒又再添! 当日我去系71公众假期，但没太多人取蚝，所以我攞左满满3碟!蚝没有太多海洋的鲜味、亦不属太甜，但好彩大而不腥，落两滴lemon汁更可以提提神。除左蚝，青口都系任取，但不及蚝新鲜，有少少太干身。三文鱼刺身几令我意外！次次都俾一大碟，仲多过超市卖一盒几中蚊果种。品质不过不失，唔系好食到香浓鱼的油脂，但颜色好鲜，鱼身亦爽身唔会霉。佢地啲热食真心唔系好好，来来去去猪柳、鸡柳、鸭柳﹝唔好意思…当日唔见牛﹞。我都简唔落手，食左旧鸭硬到死，于是成个热盘环节放弃左。By the way佢啲面包好好食！尤其系牛角包同菠罗包。牛角包重牛油味，菠罗包则砟脆皮，食落热辣辣！甜品方面好花心思，有即制的爆谷机同埋绵花糖！啲爆谷睇落冇咩色，但食落好香焦糖味、份量都满成杯，分分钟好食过戏院整。雪糕好贵好贵的M字牌，比H牌更贵。但要快手，因为唔似会refill!值钱真的很平，虽然难book，但有生蚝食已经足够！有机会会再去