唐包點 (已結業)

今日路經深水埗地鐵站見到有唐包點, 晚飯又未有著落所以過去望下有咩岩食啦, 原來平時食開唐記包點同唐包點賣D款式都有分別架喎~ 多左飯類又有糖水, 幾吸引咁今次買左秘製豬軟骨飯比老公, 份量公道, $29黎講味道唔錯非常好送飯糯米雞足料好大隻, 燒賣上面有蝦架咬落都煙煙韌韌, 我食完都夠哂飽, 其實隨時買到點心以後真係唔使去飲茶都得 🤗 最後試埋個蕃薯糖水, $15 同糖水店買都差唔多價, 好足料蕃薯都滿一碗唔係得一兩舊, 老公話好好飲可能我食得辣覺得薑可以再辣D仲滋味 😋 一如既往買多兩個包留返公司叮熱做早餐~