阿翁拉麵小籠包 (已結業)

端午節2大2細去長洲玩過夜, 之前係openrice尋找邊間正野食!! 點知係地圖找唔到呢間店, 打電話去問路, 再加上長洲人熱心教路, 終於找到啦, 原來係假日最好要訂位. 不過好彩間舖已開設側舖所以唔駛等就有位!!

新舖好乾凈

即時order 招牌小籠飽!! 好多汁, 一咬就流出來!!! 熱騰騰!! o的汁好鮮甜, 唔落醋更加好味!!! 一定要試

多汁小籠飽

跟住試酒釀丸子, 原來係米酒湯圓, 第一次食, 好香既米酒味, o的湯圓細細粒皮薄花生多, 值得一試!!

酒釀丸子

值得一試既口水雞!! 有一定既水準, 花生醬麻醬多到蓋住o的雞, 好好味

口水雞

雞絲粉皮都好正, 雖然o的醬同口水雞有些相似, 都係花生醬麻醬, 但混起來真係好好味, 我2個小朋友食清成碟粉皮!!

雞絲粉皮

下次來一定要食多次!!