經過二期果邊, 見到呢間野, 心諗"平時唔係排大隊ga 咩, 做咩宜家咁少人",
就諗住入去試試
我同我女朋友叫左大概10碟野, 全部係普通野,
姐係蛋, 甜蝦, 三文魚 etc.
野食就好一般
d 服務態度又差到爆炸, 又漏單
叫個手卷都等左40分鐘有多, 提左幾次先黎
到呢度已經唔係好順氣, 諗住算啦唔好又一餐
叫賣單, 叫左兩次, d waitress揚一揚手示意知道,
轉頭又冇左回事, 搞到我地呆等多10分鐘
叫左第三次先真係有waitress 幫我地搞掂
跟住有個金毛馬尾女waitress拎張單過黎,
我見佢有寫住american express welcome, 咁我咪比AE card law
點知個女waitress拎走張card之後又走番黎, 話唔收AE
我咪問"唔收咁你呢度又寫welcome AE"
佢立即黑面 (原本都冇笑+黑黑地面)
我比另一張visa card 佢, 佢碌完之後, 將本card簿扔落枱面,
講"簽名!", 就行開左, 之後另一個waitress 黎搞掂手尾
自問我同女朋友成餐飯都好有禮貌,
但果個waitress 態度差到呢, 你咁唔想做就唔好做!
另外, 10碟普通野竟然食左$380!!
我同我女朋友次次都食果幾款壽司, 前一個月係板長食都係250左右
你呢度野食又冇人咁好食/新鮮, 服務又差過人多多聲
憑咩收咁貴 睇番前面 d 食評, 都好幾位朋友有咁差既經歷
唔怪得第二d 壽司店日日排大隊, 呢間就越黎越少人
以後就算度度都冇位, 都唔會再黎!
