東川麻辣酸辣雞湯米線 (已結業)

呢間之前已食過幾次，第一次係食餃子，因為見佢個門口有個易拉架推介，但我食過一次就無再食，因為唔太好食，之後反而經常食手打魚腐蕃茄湯薯粉，其實佢仲有米線、氣煱雞等等。3大件手打魚腐雖然係炸過但唔會好油好熱氣，因為佢唔係外層好脆果種，其實可以當佢係一個小食添，而薯粉好彈牙，蕃茄湯夠濃有蕃茄蓉配埋草菇粒，洋蔥粒，豆卜粒，既健康又經濟實惠，因為大大碗都只係$20，不過中途已加到$22，今次去食又加多$3成為$25，加得真係快，仲要D質素差哂，D粉唔彈牙之外個湯淡哂又無咁多配料，淨係手打魚腐同之前差唔多。唔單止D食物，連服務都係咁，唔知係米因為有兩枱內地人，令佢地比較煩躁，講嘢好悔氣，有港客催單都只係答一句: 好多單要排㗎! 有見及此，呢次會係我最後一次光顧了。